كل جلسة بموعدها، وكل مهلة قبل ما تفوت، وكل أتعاب محسوبة
قضايا وموكّلين وجلسات بروزنامة واحدة، تذكير بالجلسات والمهل والوكالات، أتعاب ومصاريف وإيصالات، وسرّية كاملة — ولا حتى فريق أوغاريتي بيشوف أسماء موكّليك. بتفتحه بالمحكمة حتى بلا نت.
النظام فيه تفاصيل متل أي شغل، وما رح تتعلّمها لحالك.
موبايلك بيكفّي
أو تابلت أو لابتوب. بيفتح من المتصفح متل أي موقع.
ما في تنزيل ولا تنصيب
ما بدك جهاز خاص ولا برنامج.
بتبلّش بالأساسيات
بتتعلّم اللي بتحتاجه لشغل كل يوم أول شي، والباقي بتتعرّف عليه مع الوقت.
فريق أوغاريتي بيجهّزلك ياه
منفوّت معلوماتك أول مرة ومنرتّب النظام على شغلك، لتبلّش وكل شي بمكانه.
دعم كتابة عالواتساب
إذا علقت إنت أو حدا من موظفينك بأي خطوة، اكتبلنا ومنشرحلك ياها كتابة.
بتعرف هالقصص؟
شو بيتغيّر بيومك
قبلدفتر، ورقات، رسايل واتساب، وحسابات براسك.بعدكل شي بمكان واحد، مرتّب، على موبايلك.
01
هلق كيف عم تصير معك
الأجندة الورقية وجلسة منسية.
مع النظام
روزنامة الجلسات لكل المكتب، وتذكير للمحامي قبل بيوم ويوم الجلسة، وتنبيه إذا عنده جلستين بنفس الوقت.
02
هلق كيف عم تصير معك
مهلة الاستئناف بتفوت.
مع النظام
كل مهلة بتاريخها، وتذكير قبل أسبوع و3 أيام ويوم، وآخر يوم بيوصل للشركاء كمان.
03
هلق كيف عم تصير معك
الموكّل بيتصل ليسأل.
مع النظام
بيشوف جلسته الجاية وحالة قضيته من حسابه، وبيوصله تذكير إذا بدك.
04
هلق كيف عم تصير معك
الأتعاب بالتقسيط والرسوم مدفوعة من جيبك.
مع النظام
كل قضية باتفاقية أتعابها ودفعاتها ومصاريفها، وإيصال مطبوع.
05
هلق كيف عم تصير معك
المتدرب ناطر تعليمات.
مع النظام
المهام على كل قضية باسم المسؤول عنها.
06
هلق كيف عم تصير معك
وكالة انتهت وما حدا انتبه.
مع النظام
تنبيه قبل انتهاء الوكالة بشهر وبأسبوع.
الأساس المتين
شغلك بأمان، حتى بأصعب يوم
النت قطع؟ الكهربا راحت؟ شغلك ما بيوقف.
النظام بيشتغل على الموبايل أو اللابتوب حتى لو ما في نت أبداً. كل شي بتسجّله بينحفظ عالجهاز فوراً، وأول ما يرجع النت بيتزامن لحاله مع باقي الأجهزة والفروع، ونفس العملية ما بتنسجّل مرتين حتى لو انبعتت أكتر من مرة. ولو موظفين اتنين اشتغلوا على نفس الشي وهني بلا نت، النظام بيكتشف هالشي وقت المزامنة وبيطلّعلك رسالة واضحة شو صار، وما بيضيع شي بالسكت. وإذا سجل انعدّل من حدا تاني قبل ما تتزامن، النظام بيوقف وبيورجيك النسختين لتختار.
كل فرع إلو حسابه.
إذا عندك أكتر من فرع، كل فرع إلو بياناته وتقاريره، والموظف المربوط بفرع بيشتغل عليه، وإنت بتشوف الكل من مكان واحد.
كل محامي بيشوف قضاياه بس.
كل واحد بالمكتب بيدخل بحسابه الشخصي على أوغاريتي، بدور جاهز (شريك، محامي، متدرّب، سكرتاريا) أو بصلاحيات إنت بتختارها واحدة واحدة. المحامي بيشوف القضايا اللي ماسكها بس إلا إذا عطيته «كل قضايا المكتب»، والأتعاب والمحاضر صلاحيات لحالها.
بيانات موكّليك إلك لحالك.
ما بتطلع على الموقع العام، وما بتنعرض لحدا. ولا حتى فريق أوغاريتي بيشوف أسماء موكّليك أو تفاصيل قضاياك. الإدارة بتشوف أرقام إجمالية بس، متل كم قضية عندك.
ورقك بإيدك.
بتطبع إيصال القبض واتفاقية الأتعاب وكشف حساب القضية بالعربي من أي جهاز، باسم مكتبك وعنوانك. وبتصدّر بياناتك لملف إكسل وقت ما بدك.
النظام لتنظيم شغل المكتب بس، وما بيقترح أي استشارة قانونية.
شوف بعينك
جولة سريعة بالنظام
اكبس على كل خطوة لتشوف الشاشة الحقيقية. البيانات بالصور تجريبية، بس الشاشات هي نفسها اللي رح تشتغل عليها.
شوفه وهو شغّال
فيديو قصير من النظام الحقيقي، ببيانات تجريبية.
الصوت مو ضروري: الكلام مكتوب عالشاشة.
1روزنامة الجلسات: شهر كامل، وجلسات كل يوم بالمحكمة والقاعة والغاية والمحامي.
2ملف قضية (بيانات تجريبية): المحكمة ورقم الأساس، الموكّل والخصم، النوع والمحامي والمتدرّب.
3المهل الجاية: مذكرة جوابية، استئناف، قائمة شهود، وكم يوم باقي لكل وحدة.
4إيصال قبض أتعاب مطبوع باسم المكتب، مربوط بالقضية والموكّل.
5التقارير: الأتعاب المقبوضة والسلف والمصاريف، القضايا حسب النوع والحالة، وشغل كل محامي.
6«قضاياي» على موبايل الموكّل: قضيته ومحكمتها وحالتها وجلسته الجاية، بلا محاضر ولا وثائق.
ما بدها خبرة
كيف بتبلّش؟ تلات خطوات
1
اكبس «بدي النظام»
وابعتلنا اسم شغلك ورقمك.
2
ابعتلنا معلوماتك على الواتساب
قائمة القضايا الحالية والجلسات والمهل الجاية، الوكالات وتواريخ انتهائها، أسماء المحامين بالمكتب، الأتعاب المتفق عليها والمقبوض، متل ما هي: صور ورق أو ملف إكسل أو حتى رسالة صوتية.
إنت والمحامين اللي بتسمحلهن، وكل محامي بيشوف القضايا اللي ماسكها بس إذا بدك. ما في شي بيطلع على الموقع.
فريق أوغاريتي بيشوف القضايا؟
لا. إدارة أوغاريتي بتشوف بس أرقام إجمالية (كم قضية، كم جلسة)، بلا ولا اسم ولا تفاصيل، وبتشغّل أو بتوقّف النظام. وإذا بدك، بتفوّت المعلومات إنت ونحنا منجهّز الهيكل بس (المحامين، الأتعاب، الشكل المطبوع).
الموكّل شو بيشوف؟
قضاياه وحالتها وجلساته الجاية، والجلسات اللي إنت بتختار تشاركها. ما بيشوف المحاضر ولا الوثائق ولا ملاحظاتك.
أسئلة بيسألها الكل
شو إذا قطع النت؟
بتكفّي شغل عادي. كل شي بينحفظ عالجهاز وبيتزامن أول ما يرجع النت. بس انتبه: إذا الجهاز ما فتح النظام ولا مرة وفي نت، لازم يفتحه مرة أول شي لينحفظ عليه.
موظفيني مو شاطرين بالتكنولوجيا، رح يعرفوا؟
الأزرار كبيرة والكلام بالعربي متل ما منحكي. وبعد ما يتعوّدوا، أغلب الشغل اليومي بيصير بخطوات قليلة. وفريق أوغاريتي بيشرحلهن كتابة وبفيديوهات قصيرة إذا علقوا.
إذا أوغاريتي سكّرت أو صار شي؟
بياناتك إلك. فيك تطبع مستنداتك وتقاريرك بأي وقت، وفيك تصدّرها لإكسل، والشغل اللي بتحتاجه يومياً محفوظ نسخة منه عالجهاز لحتى يشتغل بلا نت. إذا تغيّر شي بالخدمة منخبرك قبل بوقت كافي.
عم استعمل دفتر أو إكسل من سنين، كيف بنقل؟
ابعتلنا الورق أو الملف متل ما هو، ونحنا منفوّت المعلومات الأساسية أول مرة. فيك تضل ماشي بالدفتر جنب النظام كم يوم لحتى ترتاح.
ليش مجاني؟ شو الملعوب؟
أوغاريتي عم تبني دليل وسوق للشغل بسوريا، وكل ما كان شغلك منظّم أكتر وصفحتك أحسن، بيستفيد الموقع كله. هلق مجاني، وأي تغيير منخبرك فيه سلفاً.
بدي جهاز خاص أو برنامج؟
لا. بيفتح من المتصفح على أي موبايل أو تابلت أو لابتوب.