دليل رجعة المغترب · الثلاثاء 27 تشرين الأول 2026
راجع على سوريا؟ هي خطواتك بالترتيب
من الأوراق اللي لازم تصدّقها وانت برّا، للمعبر اللي رح تقطع منه، لأول أسبوع بالبلد، لتسجيل الولاد بالمدرسة ومعادلة شهادتك. كل خطوة إلها دليل مفصّل بمصادره وتاريخ آخر تحقق.
من وين راجع؟
القواعد بتختلف حسب البلد اللي انت فيه: الإقامة، الغرامات، وبرامج الدعم.
قبل ما تسافر
أهم مرحلة. أي ورقة بتصدّقها وانت برّا بتوفّر عليك أسابيع بسوريا.
- جواز السفر من برّاالرسوم، الحجز من تطبيق MOFA SY، والأوراق المطلوبة.
- الوثائق المدنيةشو بتحتاج من أوراق، وكيف تطلع وثيقة من السفارة.
- شهادات الولادصدّق علامات آخر صف من المدرسة والخارجية والسفارة قبل ما تطلع.
- شهادتك الجامعيةتسلسل التصديق اللي بتحتاجه لتعادل شهادتك بعدين.
- الوكالات والتصديقإذا بدك تترك وكالة لحدا برّا أو تصدّق أوراق قبل السفر.
- شحن العفشالإعفاءات المعلنة، والشحن من لبنان والأردن وتركيا أو بحراً.
عالحدود
اختار طريقك، وشوف شو بيقبلوا من وثائق وشو الرسوم.
- من لبنان: جديدة يابوسالوثائق، ساعات العمل، والمواصلات من بيروت.
- من الأردن: نصيبشروط الأردن، الوثائق، والمواصلات من عمّان.
- من تركيا: باب الهوىالعودة الطوعية بالكملك، والمغتربين بسياراتهم.
- بالطيارة: مطار دمشقشركات الطيران، الوصول، والتاكسي للمدينة.
- كل المعابركل المعابر البرية والمطارات بصفحة وحدة.
- الجمارك عالأغراضشو مسموح وشو ممنوع تدخّل معك.
أول أسبوع
خط موبايل، مصاري، وأوراقك الأساسية.
الاستقرار
مدارس، شغل، وتثبيت كل شي صار وانت برّا.
بدك تحوّل مصاري قبل ما ترجع أو لأهلك؟
أسئلة شائعة
بقدر أرجع على سوريا بجواز منتهي؟
عالمعابر البرية مع لبنان والأردن بيقبلوا الجواز السوري المنتهي ووثائق تانية متل الهوية ووثيقة المرور من السفارة، حسب مفوضية اللاجئين. بالطيارة ممكن شركة الطيران ترفض، فتأكد منها قبل ما تحجز.
في جمارك عالعفش والأثاث؟
الهيئة العامة للمنافذ أعلنت إنو أمتعة وأثاث العائدين معفاة من الرسوم، بس في تقارير عن رسوم عالأغراض الجديدة. التفاصيل بدليل شحن العفش.
ولادي ما معهم أوراق مدرسة، بيقبلوهم؟
إي. وزارة التربية بتسمح بالتسجيل الشرطي، والطفل بيعمل سبر معلومات ليحددوا صفه، وانت بتتعهد تكمّل الأوراق خلال مهلة.
شو أول شي لازم أعمله قبل ما أسافر؟
صدّق شهاداتك وشهادات ولادك ووثائق الزواج والولادة من البلد اللي انت فيه ومن السفارة السورية، لأنو التصديق من برّا أصعب بعد ما ترجع.
الإجراءات بسوريا وبالدول المجاورة عم تتغيّر بسرعة. منراجع الأدلة بشكل دوري، بس تأكد دايماً من الجهة الرسمية قبل ما تتصرّف. لقيت معلومة قديمة؟ خبّرنا.
أدلة رجعة للبلد
- رجعة المغترب خطوة بخطوة
- المعابر والمطارات
- جواز السفر والوثائق
- الوكالة والتصديق
- تحويل الأموال
- حوّل لأهلك: كم بيوصل؟
- الخطوط والإنترنت
- الجمارك
أدوات يومية
- سعر الدولار والذهب
- مواقيت الصلاة
- الطقس
- الصيدليات المناوبة
- محوّل الليرة
- إمساكية رمضان
- العطل الرسمية
- النتائج والمفاضلة
- أسعار المحروقات
- الكهرباء والتقنين
- تنبيه الأسعار
- حاسبة المفاضلة
- جمرك السيارات
- تكلفة المعيشة
- باقات الاتصالات