النظام فيه تفاصيل متل أي شغل، وما رح تتعلّمها لحالك.
موبايلك بيكفّي
أو تابلت أو لابتوب. بيفتح من المتصفح متل أي موقع.
ما في تنزيل ولا تنصيب
ما بدك جهاز خاص ولا برنامج.
بتبلّش بالأساسيات
بتتعلّم اللي بتحتاجه لشغل كل يوم أول شي، والباقي بتتعرّف عليه مع الوقت.
فريق أوغاريتي بيجهّزلك ياه
منفوّت معلوماتك أول مرة ومنرتّب النظام على شغلك، لتبلّش وكل شي بمكانه.
دعم كتابة عالواتساب
إذا علقت إنت أو حدا من موظفينك بأي خطوة، اكتبلنا ومنشرحلك ياها كتابة.
بتعرف هالقصص؟
شو بيتغيّر بيومك
قبلدفتر، ورقات، رسايل واتساب، وحسابات براسك.بعدكل شي بمكان واحد، مرتّب، على موبايلك.
01
هلق كيف عم تصير معك
«وين بضاعتي؟» كل ساعة.
مع النظام
رقم التتبّع مع آخر 4 أرقام من موبايل المستلم بيورجي حالة الشحنة، وإذا عنده حساب على أوغاريتي بيوصله إشعار بكل خطوة.
02
هلق كيف عم تصير معك
شحنة ما حدا بيعرف على أي سيارة.
مع النظام
كل رحلة بكشف تحميل فيه شحناتها، بينطبع للسائق.
03
هلق كيف عم تصير معك
التحصيل عند الاستلام بيضيع.
مع النظام
بتعرف أديش مع كل سائق لسا ما سلّمه، أديش بصندوق كل فرع، وأديش لازم تدفع لكل تاجر.
04
هلق كيف عم تصير معك
«ما استلمت شي».
مع النظام
إثبات التسليم بصورة أو توقيع واسم المستلم.
05
هلق كيف عم تصير معك
الفرع بالطريق بلا نت.
مع النظام
بيسجّل الاستلام والتسليم بلا نت وبيتزامن، وإذا فرع تاني كان حدّث نفس الشحنة بيطلعله شو صار.
الأساس المتين
شغلك بأمان، حتى بأصعب يوم
النت قطع؟ الكهربا راحت؟ شغلك ما بيوقف.
النظام بيشتغل على الموبايل أو اللابتوب حتى لو ما في نت أبداً. كل شي بتسجّله بينحفظ عالجهاز فوراً، وأول ما يرجع النت بيتزامن لحاله مع باقي الأجهزة والفروع، ونفس العملية ما بتنسجّل مرتين حتى لو انبعتت أكتر من مرة. ولو موظفين اتنين اشتغلوا على نفس الشي وهني بلا نت، النظام بيكتشف هالشي وقت المزامنة وبيطلّعلك رسالة واضحة شو صار، وما بيضيع شي بالسكت. وإذا الشحنة انسلّمت أو تغيّرت حالتها من فرع تاني، بيطلعلك مين غيّرها ولشو، وحالة الشحنة ما بترجع لورا بالغلط.
كل فرع إلو حسابه.
إذا عندك أكتر من فرع، كل فرع إلو بياناته وتقاريره، والموظف المربوط بفرع بيشتغل عليه، وإنت بتشوف الكل من مكان واحد.
كل موظف بيشوف شغله بس.
كل موظف بيدخل بحسابه الشخصي على أوغاريتي، بدور جاهز (مدير، موظف شبّاك، محاسب، سائق أو مندوب) أو بصلاحيات إنت بتختارها واحدة واحدة. والموظف المربوط بفرع بيشوف الشحنات الطالعة منه أو الجاية لعنده أو الموجودة فيه.
بيانات زباينك إلك لحالك.
ما بتطلع على الموقع العام، وما بتنعرض لحدا. فريق أوغاريتي بيقدر يفتح نظامك بوضع قراءة بس للدعم الفني، وما بيقدر يعدّل ولا يكتب شي فيه.
ورقك بإيدك.
بتطبع البوليصة والملصق والإيصال وكشف التحميل وكشف تسوية التاجر بالعربي من أي جهاز، باسم شركتك. وبتصدّر بياناتك لملف إكسل وقت ما بدك.
شوف بعينك
جولة سريعة بالنظام
اكبس على كل خطوة لتشوف الشاشة الحقيقية. البيانات بالصور تجريبية، بس الشاشات هي نفسها اللي رح تشتغل عليها.
شوفه وهو شغّال
فيديو قصير من النظام الحقيقي، ببيانات تجريبية.
الصوت مو ضروري: الكلام مكتوب عالشاشة.
1تسجيل شحنة جديدة عالموبايل: فرع الوجهة، الخط، المستلم، الوزن والأجرة والتحصيل.
2البوليصة المطبوعة برقم التتبّع ورمز QR، ومعها نسخة للمستلم.
3كشف تحميل رحلة: كل الشحنات اللي على السيارة، مع التحصيل والوزن، بينطبع للسائق.
4صفحة التتبّع العامة: المستلم بيكتب رقم التتبّع وآخر 4 أرقام من موبايله وبيشوف وين صارت شحنته.
5مسار الشحنة من الاستلام للتسليم، وإثبات التسليم بتوقيع المستلم واسمه.
6صندوق الفرع والتحصيل اللي لسا مع كل مندوب، وتسليمه للفرع بكبسة.
8قائمة الشحنات بحالة كل وحدة، والبحث برقم التتبّع أو الاسم أو الموبايل.
ما بدها خبرة
كيف بتبلّش؟ تلات خطوات
1
اكبس «بدي النظام»
وابعتلنا اسم شغلك ورقمك.
2
ابعتلنا معلوماتك على الواتساب
الفروع والمحافظات، الخطوط، تسعيرة الشحن، المركبات والسائقين، التجار اللي بتشتغل معهن وأرصدتهن، أسماء الموظفين بكل فرع، شكل البوليصة الحالية، متل ما هي: صور ورق أو ملف إكسل أو حتى رسالة صوتية.
بيتابع برقم التتبّع وآخر 4 أرقام من موبايله، أو بمسح الرمز عالبوليصة. الحساب اختياري، وفائدته الإشعارات.
كل فرع بيشوف شحنات التاني؟
الموظف المربوط بفرع بيشوف الشحنات الطالعة منه أو الجاية لعنده أو الموجودة فيه. المدير بيشوف الكل.
بتسوّي حسابات التجار؟
إي، كل تاجر برصيده من التحصيل والأجور، والتسوية بتنطبع بكشف.
أسئلة بيسألها الكل
شو إذا قطع النت؟
بتكفّي شغل عادي. كل شي بينحفظ عالجهاز وبيتزامن أول ما يرجع النت. بس انتبه: إذا الجهاز ما فتح النظام ولا مرة وفي نت، لازم يفتحه مرة أول شي لينحفظ عليه.
موظفيني مو شاطرين بالتكنولوجيا، رح يعرفوا؟
الأزرار كبيرة والكلام بالعربي متل ما منحكي. وبعد ما يتعوّدوا، أغلب الشغل اليومي بيصير بخطوات قليلة. وفريق أوغاريتي بيشرحلهن كتابة وبفيديوهات قصيرة إذا علقوا.
إذا أوغاريتي سكّرت أو صار شي؟
بياناتك إلك. فيك تطبع مستنداتك وتقاريرك بأي وقت، وفيك تصدّرها لإكسل، والشغل اللي بتحتاجه يومياً محفوظ نسخة منه عالجهاز لحتى يشتغل بلا نت. إذا تغيّر شي بالخدمة منخبرك قبل بوقت كافي.
مين بيشوف بياناتي؟
إنت والموظفين اللي إنت سمحتلهن، وبحدود الصلاحية اللي عطيتهن ياها. ما بتنعرض على الموقع. فريق أوغاريتي بيقدر يفتح نظامك بوضع قراءة بس للدعم الفني، وما بيقدر يعدّل ولا يكتب شي فيه.
عم استعمل دفتر أو إكسل من سنين، كيف بنقل؟
ابعتلنا الورق أو الملف متل ما هو، ونحنا منفوّت المعلومات الأساسية أول مرة. فيك تضل ماشي بالدفتر جنب النظام كم يوم لحتى ترتاح.
ليش مجاني؟ شو الملعوب؟
أوغاريتي عم تبني دليل وسوق للشغل بسوريا، وكل ما كان شغلك منظّم أكتر وصفحتك أحسن، بيستفيد الموقع كله. هلق مجاني، وأي تغيير منخبرك فيه سلفاً.
بدي جهاز خاص أو برنامج؟
لا. بيفتح من المتصفح على أي موبايل أو تابلت أو لابتوب.