النظام فيه تفاصيل متل أي شغل، وما رح تتعلّمها لحالك.
موبايلك بيكفّي
أو تابلت أو لابتوب. بيفتح من المتصفح متل أي موقع.
ما في تنزيل ولا تنصيب
ما بدك جهاز خاص ولا برنامج.
بتبلّش بالأساسيات
بتتعلّم اللي بتحتاجه لشغل كل يوم أول شي، والباقي بتتعرّف عليه مع الوقت.
فريق أوغاريتي بيجهّزلك ياه
منفوّت معلوماتك أول مرة ومنرتّب النظام على شغلك، لتبلّش وكل شي بمكانه.
دعم كتابة عالواتساب
إذا علقت إنت أو حدا من موظفينك بأي خطوة، اكتبلنا ومنشرحلك ياها كتابة.
بتعرف هالقصص؟
شو بيتغيّر بيومك
قبلدفتر، ورقات، رسايل واتساب، وحسابات براسك.بعدكل شي بمكان واحد، مرتّب، على موبايلك.
01
هلق كيف عم تصير معك
موعدين بنفس الساعة، ومريض ما إجا وخسّرك الوقت.
مع النظام
تقويم لكل طبيب بيمنع التضارب، وإذا المريض مربوط بحسابه على أوغاريتي بيوصله تذكير قبل بيوم وقبل بساعتين.
02
هلق كيف عم تصير معك
بتدوّر على الملف الكرتون.
مع النظام
كل مريض بزياراته وتشخيصه ووصفاته ومرفقاته (صور أشعة، تقارير PDF).
03
هلق كيف عم تصير معك
خطة علاج على عدة جلسات، والدفعات بتضيع.
مع النظام
الإجراءات على مخطط الأسنان، والخطة بمراحل، كل مرحلة بسعرها وأديش اندفع منها.
04
هلق كيف عم تصير معك
المريض بيتصل كل ساعة «طلعت النتيجة؟».
مع النظام
النتيجة بتنطبع مع المجال المرجعي، ولما تطلقها بتوصل للمريض على حسابه بأوغاريتي.
05
هلق كيف عم تصير معك
السكرتيرة بتشوف كل شي.
مع النظام
«يشوف المرضى» صلاحية، و«يشوف الملف الطبي» صلاحية تانية. السكرتيرة بتشوف الاسم والرقم والمواعيد، بلا الملف الطبي.
الأساس المتين
شغلك بأمان، حتى بأصعب يوم
النت قطع؟ الكهربا راحت؟ شغلك ما بيوقف.
النظام بيشتغل على الموبايل أو اللابتوب حتى لو ما في نت أبداً. كل شي بتسجّله بينحفظ عالجهاز فوراً، وأول ما يرجع النت بيتزامن لحاله مع باقي الأجهزة والفروع، ونفس العملية ما بتنسجّل مرتين حتى لو انبعتت أكتر من مرة. ولو موظفين اتنين اشتغلوا على نفس الشي وهني بلا نت، النظام بيكتشف هالشي وقت المزامنة وبيطلّعلك رسالة واضحة شو صار، وما بيضيع شي بالسكت. وإذا انحجز موعدين لنفس الطبيب بنفس الوقت بلا نت، الموعد التاني بيصير «تعارض» لتحلّه إنت.
كل فرع إلو حسابه.
إذا عندك أكتر من فرع، كل فرع إلو بياناته وتقاريره، والموظف المربوط بفرع بيشتغل عليه، وإنت بتشوف الكل من مكان واحد.
كل موظف بيشوف شغله بس.
كل موظف بيدخل بحسابه الشخصي على أوغاريتي، بدور جاهز (طبيب، مساعد أو ممرض، استقبال، فني مخبر، محاسب، مدير) أو بصلاحيات إنت بتختارها. «يشوف المرضى» غير «يشوف الملف الطبي» غير «يكتب بالملف».
بيانات زباينك إلك لحالك.
ما بتطلع على الموقع العام، وما بتنعرض لحدا. فريق أوغاريتي ما بيشوف أسماء مرضاك ولا ملفاتهم ولا مواعيدهم. بيشوف الإعدادات والتقارير كأرقام بس، لحتى يساعدك إذا علقت.
ورقك بإيدك.
بتطبع الوصفة ونتيجة التحليل وخطة العلاج والوصل بالعربي من أي جهاز، باسم عيادتك وعنوانها. وبتصدّر بياناتك لملف إكسل وقت ما بدك.
شوف بعينك
جولة سريعة بالنظام
اكبس على كل خطوة لتشوف الشاشة الحقيقية. البيانات بالصور تجريبية، بس الشاشات هي نفسها اللي رح تشتغل عليها.
شوفه وهو شغّال
فيديو قصير من النظام الحقيقي، ببيانات تجريبية.
الصوت مو ضروري: الكلام مكتوب عالشاشة.
1شاشة اليوم: المواعيد والدور، مين بالانتظار ومين عند الطبيب.
2الدور المباشر: المرضى بالموعد واللي إجوا بلا موعد، وزرّين «دخّل» و«خلص».
4مخطط الأسنان بالإجراءات المنجزة والمخططة، وخطة العلاج بمراحل: المدفوع والمستحق لكل مرحلة.
5نتيجة التحليل المطبوعة: القيمة جنب المجال المرجعي، والسهم بيبيّن إذا أعلى أو أقل، بلا أي تفسير.
6حساب المريض على أوغاريتي: دوره الجاي، مواعيده، ونتائجه اللي انطلقتله، وإشعاراته.
7التقارير: الزيارات والمواعيد واللي ما إجوا، الإيرادات والمقبوض، وحسب كل طبيب.
ما بدها خبرة
كيف بتبلّش؟ تلات خطوات
1
اكبس «بدي النظام»
وابعتلنا اسم شغلك ورقمك.
2
ابعتلنا معلوماتك على الواتساب
أسماء الأطباء وأيام وساعات دوام كل واحد، الخدمات وأسعارها، قائمة التحاليل وأسعارها ومجالاتها المرجعية (للمخابر)، الأطباء المحوّلين وعمولاتهن إذا في، أسماء السكرتيرة والموظفين. ملفات المرضى القديمة بتفوّتها إنت أو منساعدك فيها بس إذا بدك، متل ما هي: صور ورق أو ملف إكسل أو حتى رسالة صوتية.
الطبيب، ومين إنت بتعطيه صلاحية «الملف الطبي». السكرتيرة بتشوف الاسم والرقم والمواعيد، بلا الملف الطبي. ما في شي بيطلع على الموقع، والمريض نفسه ما بيشوف غير مواعيده ونتائجه اللي إنت أطلقتها. وفريق أوغاريتي ما بيشوف لا أسماء المرضى ولا ملفاتهم.
بقدر فوّت ملفات المرضى القديمة؟
إذا بدك. وإذا ما بدك تعطي حدا ملفات المرضى، بتفوّتها إنت أو بتبلّش من المرضى الجدد.
في حجز موعد من صفحة العيادة على أوغاريتي؟
موجود كميزة اختيارية، مو من أساس البداية. بعد ما يجهز النظام ويمشي شغلك عليه، فريق أوغاريتي بيفعّلها معك إذا بدك ياها، وبيرتّب تفاصيلها حسب عيادتك.
بين المرضى ما عندي وقت أكتب.
الملاحظة سطر. وبعد ما تتعوّد، أغلب الشغل اليومي بيصير بخطوات قليلة.
النظام بيعطي تشخيص؟
لا. التشخيص والوصفة بيكتبهم الطبيب، ونتيجة التحليل بتنقارن بس مع المجال المرجعي اللي المخبر حطّه.
أسئلة بيسألها الكل
شو إذا قطع النت؟
بتكفّي شغل عادي. كل شي بينحفظ عالجهاز وبيتزامن أول ما يرجع النت. بس انتبه: إذا الجهاز ما فتح النظام ولا مرة وفي نت، لازم يفتحه مرة أول شي لينحفظ عليه.
موظفيني مو شاطرين بالتكنولوجيا، رح يعرفوا؟
الأزرار كبيرة والكلام بالعربي متل ما منحكي. وبعد ما يتعوّدوا، أغلب الشغل اليومي بيصير بخطوات قليلة. وفريق أوغاريتي بيشرحلهن كتابة وبفيديوهات قصيرة إذا علقوا.
إذا أوغاريتي سكّرت أو صار شي؟
بياناتك إلك. فيك تطبع مستنداتك وتقاريرك بأي وقت، وفيك تصدّرها لإكسل، والشغل اللي بتحتاجه يومياً محفوظ نسخة منه عالجهاز لحتى يشتغل بلا نت. إذا تغيّر شي بالخدمة منخبرك قبل بوقت كافي.
مين بيشوف بياناتي؟
إنت والموظفين اللي إنت سمحتلهن، وبحدود الصلاحية اللي عطيتهن ياها. ما بتنعرض على الموقع. فريق أوغاريتي ما بيشوف أسماء مرضاك ولا ملفاتهم ولا مواعيدهم. بيشوف الإعدادات والتقارير كأرقام بس، لحتى يساعدك إذا علقت.
عم استعمل دفتر أو إكسل من سنين، كيف بنقل؟
ابعتلنا الورق أو الملف متل ما هو، ونحنا منفوّت المعلومات الأساسية أول مرة. فيك تضل ماشي بالدفتر جنب النظام كم يوم لحتى ترتاح.
ليش مجاني؟ شو الملعوب؟
أوغاريتي عم تبني دليل وسوق للشغل بسوريا، وكل ما كان شغلك منظّم أكتر وصفحتك أحسن، بيستفيد الموقع كله. هلق مجاني، وأي تغيير منخبرك فيه سلفاً.
بدي جهاز خاص أو برنامج؟
لا. بيفتح من المتصفح على أي موبايل أو تابلت أو لابتوب.