للمطاعم والكافيهات

الطلب من الطاولة للمطبخ للصندوق، بلا ورقة ضايعة ولا صحن ما انحسب

كل طلب بينكتب مرة وحدة: بيطلع على شاشة المطبخ، بينحسب عالطاولة، وبيدخل بحساب الشفت. طلبات السفري والتوصيل بنفس المكان، بمنطقتها وسائقها. وبيكفّي شغل لو قطع النت.

بدي النظامشوف فيديو قصير

  • بيشتغل بلا نت
  • فريق أوغاريتي بيجهّزلك ياه
  • مجاني هلق
خريطة الطاولات بنظام إدارة المطاعم: طاولات فاضية ومشغولة وطاولة طالبة الحساب، ببيانات تجريبية
طلب طاولة عالموبايل فيه كباب وكابتشينو كبير مع كراميل، وزر «ابعت للمطبخ»
انحفظ عالجهازحتى بلا نت

شو بتحتاج لتبلّش؟

أول مرة بتستعمل برنامج؟ نحنا معك خطوة خطوة

النظام فيه تفاصيل متل أي شغل، وما رح تتعلّمها لحالك.

  • موبايلك بيكفّي

    أو تابلت أو لابتوب. بيفتح من المتصفح متل أي موقع.

  • ما في تنزيل ولا تنصيب

    ما بدك جهاز خاص ولا برنامج.

  • بتبلّش بالأساسيات

    بتتعلّم اللي بتحتاجه لشغل كل يوم أول شي، والباقي بتتعرّف عليه مع الوقت.

  • فريق أوغاريتي بيجهّزلك ياه

    منفوّت معلوماتك أول مرة ومنرتّب النظام على شغلك، لتبلّش وكل شي بمكانه.

  • دعم كتابة عالواتساب

    إذا علقت إنت أو حدا من موظفينك بأي خطوة، اكتبلنا ومنشرحلك ياها كتابة.

بتعرف هالقصص؟

شو بيتغيّر بيومك

  1. هلق كيف عم تصير معك

    وقت الضغط الطلب بينقال للمطبخ بالصوت، وبيطلع غلط أو بينسى.

    مع النظام

    الجرسون بيكبس الأصناف عالموبايل، والطلب بيطلع على شاشة المطبخ مكتوب بالحجم والإضافات والملاحظة. كل محطة بتشوف أصنافها: المشاوي لحال، والمشروبات لحال.

  2. هلق كيف عم تصير معك

    صحن طلع من المطبخ وما انحسب على حدا.

    مع النظام

    ما في شي بيطلع إلا من طلب، وكل طلب مربوط بطاولة أو زبون، فآخر الليل كل شي مبيّن. وأي صنف بيتلغى بينكتب سببه واسم مين لغاه.

  3. هلق كيف عم تصير معك

    طلبات التوصيل عالواتساب والتلفون بتتلخبط وقت الضغط.

    مع النظام

    الكاشير بيسجّل طلب التوصيل بالاسم والرقم والعنوان والمنطقة، أجرة التوصيل بتنضاف لحالها، وبتعرف كل طلب مع أي سائق ووين صار: عم يتحضّر، بالطريق، وصل.

  4. هلق كيف عم تصير معك

    آخر الليل بتعدّ وبتقول «تقريباً».

    مع النظام

    كل موظف بيفتح شفته برصيد الدرج، والتسكير بيحسبلك شو لازم يكون بالدرج وبيورجيك الفرق.

  5. هلق كيف عم تصير معك

    ما بتعرف شو أكتر صنف بيبيع وشو عم يخسّرك.

    مع النظام

    تقرير بالأصناف الأكتر مبيعاً وبالساعات الأزحم، وإذا مفعّل المخزون بالوصفات بتشوف تكلفة وربح كل صنف، إلك إنت بس إذا بدك.

الأساس المتين

شغلك بأمان، حتى بأصعب يوم

النت قطع؟ الكهربا راحت؟ شغلك ما بيوقف.

النظام بيشتغل على الموبايل أو اللابتوب حتى لو ما في نت أبداً. كل شي بتسجّله بينحفظ عالجهاز فوراً، وأول ما يرجع النت بيتزامن لحاله مع باقي الأجهزة والفروع، ونفس العملية ما بتنسجّل مرتين حتى لو انبعتت أكتر من مرة. ولو موظفين اتنين اشتغلوا على نفس الشي وهني بلا نت، النظام بيكتشف هالشي وقت المزامنة وبيطلّعلك رسالة واضحة شو صار، وما بيضيع شي بالسكت. وإذا جهازين فتحوا نفس الطاولة بلا نت، الطلبين بيتوحّدوا بطلب واحد مع ملاحظة، وإذا نفس الحساب انقبض مرتين بيطلعلك تنبيه إنو الزبون دفع مرتين لترجعله.

كل فرع إلو حسابه.

إذا عندك أكتر من فرع، كل فرع إلو بياناته وتقاريره، والموظف المربوط بفرع بيشتغل عليه، وإنت بتشوف الكل من مكان واحد.

كل موظف بيشوف شغله بس.

كل موظف بيدخل بحسابه الشخصي على أوغاريتي، بدور جاهز أو بصلاحيات إنت بتختارها واحدة واحدة. الأسعار والأرباح بتضل إلك إذا بدك.

بيانات زباينك إلك لحالك.

ما بتطلع على الموقع العام، وما بتنعرض لحدا. فريق أوغاريتي بيقدر يفتح نظامك بوضع قراءة بس للدعم الفني، وما بيقدر يعدّل ولا يكتب شي فيه.

ورقك بإيدك.

بتطبع وصل الزبون بالعربي من أي جهاز، باسم مطعمك وعنوانه، على مقاس طابعات الإيصالات 80 ملم.

شوف بعينك

جولة سريعة بالنظام

اكبس على كل خطوة لتشوف الشاشة الحقيقية. البيانات بالصور تجريبية، بس الشاشات هي نفسها اللي رح تشتغل عليها.

شوفه وهو شغّال

فيديو قصير من النظام الحقيقي، ببيانات تجريبية.

الصوت مو ضروري: الكلام مكتوب عالشاشة.

  1. خريطة الطاولات بالصالة والتراس: الفاضية والمشغولة واللي طالبة الحساب، ووقت الأركيلة عالطاولة.

    1خريطة الطاولات بالصالة والتراس: الفاضية والمشغولة واللي طالبة الحساب، ووقت الأركيلة عالطاولة.

  2. أخد الطلب عالموبايل: بتختار الحجم والإضافات، وبتكتب ملاحظة للمطبخ إذا بدك.

    2أخد الطلب عالموبايل: بتختار الحجم والإضافات، وبتكتب ملاحظة للمطبخ إذا بدك.

  3. شاشة المطبخ: الطلبات حسب الطاولة، وفيك تفلترها حسب المحطة: المشاوي، السلطات، المشروبات، الحلويات.

    3شاشة المطبخ: الطلبات حسب الطاولة، وفيك تفلترها حسب المحطة: المشاوي، السلطات، المشروبات، الحلويات.

  4. طلبات التوصيل بالعنوان والمنطقة والسائق، وحالة كل طلب: جديد، عم يتحضّر، بالطريق، وصل.

    4طلبات التوصيل بالعنوان والمنطقة والسائق، وحالة كل طلب: جديد، عم يتحضّر، بالطريق، وصل.

  5. تقسيم الحساب حسب الأصناف: كل واحد بيدفع اللي طلبه، كاش أو بطاقة أو شام كاش.

    5تقسيم الحساب حسب الأصناف: كل واحد بيدفع اللي طلبه، كاش أو بطاقة أو شام كاش.

  6. الوصل بالعربي على مقاس طابعة الإيصالات، باسم المطعم والموظف، ومعه المبلغ بالدولار تقريباً.

    6الوصل بالعربي على مقاس طابعة الإيصالات، باسم المطعم والموظف، ومعه المبلغ بالدولار تقريباً.

  7. تسكير الشفت: رصيد الدرج والمقبوض بكل طريقة دفع، والمفروض بالدرج قدام العدّ الفعلي والفرق.

    7تسكير الشفت: رصيد الدرج والمقبوض بكل طريقة دفع، والمفروض بالدرج قدام العدّ الفعلي والفرق.

  8. التقارير: المبيعات والربح، حسب طريقة الدفع والموظف والنوع، والأصناف الأكتر مبيعاً بتكلفتها وربحها.

    8التقارير: المبيعات والربح، حسب طريقة الدفع والموظف والنوع، والأصناف الأكتر مبيعاً بتكلفتها وربحها.

  9. بطاقة الولاء على موبايل الزبون بحسابه على أوغاريتي: طوابعه، أديش باقيله للهدية، ورمزه للكاشير.

    9بطاقة الولاء على موبايل الزبون بحسابه على أوغاريتي: طوابعه، أديش باقيله للهدية، ورمزه للكاشير.

ما بدها خبرة

كيف بتبلّش؟ تلات خطوات

  1. 1

    اكبس «بدي النظام»

    وابعتلنا اسم شغلك ورقمك.

  2. 2

    ابعتلنا معلوماتك على الواتساب

    المنيو (صورة المنيو الورقي بتكفّي) مع الأسعار والأحجام والإضافات، عدد الطاولات وتقسيمها (صالة وتراس)، الورديات، أسماء الموظفين وأدوارهن (جرسون، كاشير، مطبخ، مدير)، مناطق التوصيل وأجرة كل منطقة، وإذا بدك مخزون: المواد الأولية ومقادير كل صنف، متل ما هي: صور ورق أو ملف إكسل أو حتى رسالة صوتية.

  3. 3

    فريق أوغاريتي بيجهّز كل شي أول مرة

    وبيبعتلك رابط الدخول. إنت وموظفينك بتفوتوا وبتبلّشوا.

ما في تنزيل برنامج، ولا جهاز خاص، ولا تنصيب. موبايلك أو لابتوبك بيكفّي.

مين بيساعدك؟ فريق أوغاريتي، كتابة على الواتساب.

السعر

مجاني هلق.

بدي النظام

سؤالك عنا

أسئلة شائعة

عن نظام المطاعم والكافيهات

بدي أجهزة خاصة؟

لا. موبايلات للجرسونية، وتابلت أو لابتوب للكاشير وشاشة المطبخ. الطباعة من المتصفح على أي طابعة موصولة بالجهاز، والوصل مقاسه مزبوط لطابعات الإيصالات 80 ملم.

وقت الضغط رح يبطّئني؟

الأصناف بأزرار كبيرة مرتبة حسب القسم. وبعد ما تتعوّد، أغلب الشغل اليومي بيصير بخطوات قليلة.

الكاشير بيقدر يلغي طلب؟

الإلغاء والحسم كل واحد صلاحية لحالها بتعطيها لمين بدك، وكل إلغاء بينكتب سببه واسم مين عمله.

إذا جرسونين فتحوا نفس الطاولة وما في نت؟

وقت المزامنة النظام بيوحّد الطلبين بطلب واحد عالطاولة، وبيكتبلك ملاحظة واضحة. وإذا نفس الحساب انقبض من جهازين، بينبّهك إنو الزبون دفع مرتين لترجعله.

بيقبل شام كاش؟

إي، الدفع كاش أو بطاقة أو شام كاش، وفيك تقسم الحساب بين أكتر من طريقة.

في طلب أونلاين من صفحة المحل؟

موجود كميزة اختيارية، مو من أساس البداية. بعد ما يجهز النظام ويمشي شغلك عليه، فريق أوغاريتي بيفعّلها معك إذا بدك ياها، وبيرتّب تفاصيلها حسب محلك.

أسئلة بيسألها الكل

شو إذا قطع النت؟

بتكفّي شغل عادي. كل شي بينحفظ عالجهاز وبيتزامن أول ما يرجع النت. بس انتبه: إذا الجهاز ما فتح النظام ولا مرة وفي نت، لازم يفتحه مرة أول شي لينحفظ عليه.

موظفيني مو شاطرين بالتكنولوجيا، رح يعرفوا؟

الأزرار كبيرة والكلام بالعربي متل ما منحكي. وبعد ما يتعوّدوا، أغلب الشغل اليومي بيصير بخطوات قليلة. وفريق أوغاريتي بيشرحلهن كتابة وبفيديوهات قصيرة إذا علقوا.

إذا أوغاريتي سكّرت أو صار شي؟

بياناتك إلك. فيك تطبع مستنداتك وتقاريرك بأي وقت، والشغل اللي بتحتاجه يومياً محفوظ نسخة منه عالجهاز لحتى يشتغل بلا نت. إذا تغيّر شي بالخدمة منخبرك قبل بوقت كافي.

مين بيشوف بياناتي؟

إنت والموظفين اللي إنت سمحتلهن، وبحدود الصلاحية اللي عطيتهن ياها. ما بتنعرض على الموقع. فريق أوغاريتي بيقدر يفتح نظامك بوضع قراءة بس للدعم الفني، وما بيقدر يعدّل ولا يكتب شي فيه.

عم استعمل دفتر أو إكسل من سنين، كيف بنقل؟

ابعتلنا الورق أو الملف متل ما هو، ونحنا منفوّت المعلومات الأساسية أول مرة. فيك تضل ماشي بالدفتر جنب النظام كم يوم لحتى ترتاح.

ليش مجاني؟ شو الملعوب؟

أوغاريتي عم تبني دليل وسوق للشغل بسوريا، وكل ما كان شغلك منظّم أكتر وصفحتك أحسن، بيستفيد الموقع كله. هلق مجاني، وأي تغيير منخبرك فيه سلفاً.

ما لقيت جوابك؟ اسألنا كتابة عالواتساب

جاهز ترتّب شغلك؟

ابعتلنا اسم شغلك، ونحنا منجهّزلك النظام ومنبعتلك الرابط.

بدي النظامراسلنا عالواتساب

  • مجاني هلق
  • كل التواصل كتابة