النظام فيه تفاصيل متل أي شغل، وما رح تتعلّمها لحالك.
موبايلك بيكفّي
أو تابلت أو لابتوب. بيفتح من المتصفح متل أي موقع.
ما في تنزيل ولا تنصيب
ما بدك جهاز خاص ولا برنامج.
بتبلّش بالأساسيات
بتتعلّم اللي بتحتاجه لشغل كل يوم أول شي، والباقي بتتعرّف عليه مع الوقت.
فريق أوغاريتي بيجهّزلك ياه
منفوّت معلوماتك أول مرة ومنرتّب النظام على شغلك، لتبلّش وكل شي بمكانه.
دعم كتابة عالواتساب
إذا علقت إنت أو حدا من موظفينك بأي خطوة، اكتبلنا ومنشرحلك ياها كتابة.
بتعرف هالقصص؟
شو بيتغيّر بيومك
قبلدفتر، ورقات، رسايل واتساب، وحسابات براسك.بعدكل شي بمكان واحد، مرتّب، على موبايلك.
01
هلق كيف عم تصير معك
أقساط شهرية لعشرات الطلاب بدفتر.
مع النظام
كل طالب بسريره وأجرته الشهرية، وكل شهر قدامك مين دفع ومين متأخر وأديش، والتأمين مكتوب إنو بيرجع آخر العقد.
02
هلق كيف عم تصير معك
حجز بالتلفون وحجز بالواتساب لنفس الغرفة بنفس الليلة.
مع النظام
كل الحجوزات على تقويم واحد، والليلة المحجوزة بتتسكّر. حتى لو موظفين حجزوا بنفس الوقت بلا نت، وقت المزامنة التاني بينتقل لغرفة فاضية من نفس النوع وبيطلعلك تنبيه، وإذا ما في غرفة فاضية بيوقف الحجز لحتى تقرر إنت.
03
هلق كيف عم تصير معك
صور هويات النزلاء بموبايل الاستقبال.
مع النظام
صورة الهوية بمجلد خاص، ما بيشوفها إلا موظف إلو صلاحية، وبتنمسح لحالها بعد المغادرة بتلات أشهر.
04
هلق كيف عم تصير معك
العربون بورقة، والرصيد بالذاكرة.
مع النظام
كل حجز بعربونه ودفعاته والباقي، والميني بار والغسيل بينضافوا عالحساب. فاتورة وتأكيد حجز مطبوعين.
الأساس المتين
شغلك بأمان، حتى بأصعب يوم
النت قطع؟ الكهربا راحت؟ شغلك ما بيوقف.
النظام بيشتغل على الموبايل أو اللابتوب حتى لو ما في نت أبداً. كل شي بتسجّله بينحفظ عالجهاز فوراً، وأول ما يرجع النت بيتزامن لحاله مع باقي الأجهزة والفروع، ونفس العملية ما بتنسجّل مرتين حتى لو انبعتت أكتر من مرة. ولو موظفين اتنين اشتغلوا على نفس الشي وهني بلا نت، النظام بيكتشف هالشي وقت المزامنة وبيطلّعلك رسالة واضحة شو صار، وما بيضيع شي بالسكت. وإذا نفس الوحدة انحجزت مرتين بلا نت، الحجز اللي وصل أول بيضل، والتاني بينتقل لحاله لوحدة فاضية من نفس النوع مع رسالة، وإذا ما في وحدة فاضية بيصير «تعارض، بدو قرار».
كل فرع إلو حسابه.
إذا عندك أكتر من فرع، كل فرع إلو بياناته وتقاريره، والموظف المربوط بفرع بيشتغل عليه، وإنت بتشوف الكل من مكان واحد.
كل موظف بيشوف شغله بس.
كل موظف بيدخل بحسابه الشخصي على أوغاريتي، بدور جاهز أو بصلاحيات إنت بتختارها واحدة واحدة. الأسعار والأرباح بتضل إلك إذا بدك.
بيانات زباينك إلك لحالك.
ما بتطلع على الموقع العام، وما بتنعرض لحدا. أرقام هويات نزلائك وصورها ما بيشوفها غير موظف عندك إلو صلاحية، ولا حتى فريق أوغاريتي. باقي النظام بيقدر فريق أوغاريتي يفتحه للدعم الفني بوضع قراءة بس، بلا ما يعدّل شي.
ورقك بإيدك.
بتطبع الفاتورة وتأكيد الحجز والعقد ببنودك بالعربي من أي جهاز، باسم شغلك وعنوانك. وبتصدّر بياناتك لملف إكسل وقت ما بدك.
شوف بعينك
جولة سريعة بالنظام
اكبس على كل خطوة لتشوف الشاشة الحقيقية. البيانات بالصور تجريبية، بس الشاشات هي نفسها اللي رح تشتغل عليها.
شوفه وهو شغّال
فيديو قصير من النظام الحقيقي، ببيانات تجريبية.
الصوت مو ضروري: الكلام مكتوب عالشاشة.
1المستحقات والمتأخرين لكل شهر: المطلوب والمدفوع والباقي لكل طالب، وزر القبض جنبه.
2السكن الطلابي: كل غرفة بأسرّتها وكل طالب بسريره، والنقطة الخضرا يعني دفع أجرة هالشهر.
3بيانات النزيل بالحجز، وصورة الهوية خاصة بالمنشأة وبتنمسح لحالها بعد 90 يوم من المغادرة.
4التقارير: نسبة الإشغال، الإيراد بالليلة، مصادر الحجوزات، والإضافات عالحساب، ومعها السكن الطلابي والصالات.
ما بدها خبرة
كيف بتبلّش؟ تلات خطوات
1
اكبس «بدي النظام»
وابعتلنا اسم شغلك ورقمك.
2
ابعتلنا معلوماتك على الواتساب
قائمة الغرف أو الشقق أو الأسرّة أو الصالات وأسعارها (ليلة، نهاية أسبوع، مواسم؛ وللسكن الطلابي الأجرة الشهرية ويوم الاستحقاق)، باقات الصالة والموردين اللي بتتعامل معهن، شروط الحجز والإلغاء وبنود العقد، أسماء موظفي الاستقبال، متل ما هي: صور ورق أو ملف إكسل أو حتى رسالة صوتية.
بتسجّلها على نفس التقويم ومصدرها «مواقع حجز تانية»، فبتتسكّر الليلة. الربط التلقائي مع هالمواقع مو موجود.
بقدر حط سعر للموسم والعيد؟
إي. بتعمل موسم بتاريخ بداية ونهاية وسعره، وكمان سعر خاص لأيام نهاية الأسبوع، والنظام بيحسب كل ليلة بسعرها.
في حجز من صفحتي على أوغاريتي؟
موجود كميزة اختيارية، مو من أساس البداية. بعد ما يجهز النظام ويمشي شغلك عليه، فريق أوغاريتي بيفعّلها معك إذا بدك ياها، وبيرتّب تفاصيلها حسب شغلك. والدفع بيضل عندك، ما في دفع إلكتروني.
صور الهويات وين بتروح؟
بمجلد خاص برا الموقع، ما بيشوفها إلا موظف إلو صلاحية «الهويات» (ولا حتى فريق أوغاريتي)، وبتنمسح لحالها بعد 90 يوم من المغادرة.
أسئلة بيسألها الكل
شو إذا قطع النت؟
بتكفّي شغل عادي. كل شي بينحفظ عالجهاز وبيتزامن أول ما يرجع النت. بس انتبه: إذا الجهاز ما فتح النظام ولا مرة وفي نت، لازم يفتحه مرة أول شي لينحفظ عليه.
موظفيني مو شاطرين بالتكنولوجيا، رح يعرفوا؟
الأزرار كبيرة والكلام بالعربي متل ما منحكي. وبعد ما يتعوّدوا، أغلب الشغل اليومي بيصير بخطوات قليلة. وفريق أوغاريتي بيشرحلهن كتابة وبفيديوهات قصيرة إذا علقوا.
إذا أوغاريتي سكّرت أو صار شي؟
بياناتك إلك. فيك تطبع مستنداتك وتقاريرك بأي وقت، وفيك تصدّرها لإكسل، والشغل اللي بتحتاجه يومياً محفوظ نسخة منه عالجهاز لحتى يشتغل بلا نت. إذا تغيّر شي بالخدمة منخبرك قبل بوقت كافي.
مين بيشوف بياناتي؟
إنت والموظفين اللي إنت سمحتلهن، وبحدود الصلاحية اللي عطيتهن ياها. ما بتنعرض على الموقع. أرقام هويات نزلائك وصورها ما بيشوفها غير موظف عندك إلو صلاحية، ولا حتى فريق أوغاريتي. باقي النظام بيقدر فريق أوغاريتي يفتحه للدعم الفني بوضع قراءة بس، بلا ما يعدّل شي.
عم استعمل دفتر أو إكسل من سنين، كيف بنقل؟
ابعتلنا الورق أو الملف متل ما هو، ونحنا منفوّت المعلومات الأساسية أول مرة. فيك تضل ماشي بالدفتر جنب النظام كم يوم لحتى ترتاح.
ليش مجاني؟ شو الملعوب؟
أوغاريتي عم تبني دليل وسوق للشغل بسوريا، وكل ما كان شغلك منظّم أكتر وصفحتك أحسن، بيستفيد الموقع كله. هلق مجاني، وأي تغيير منخبرك فيه سلفاً.
بدي جهاز خاص أو برنامج؟
لا. بيفتح من المتصفح على أي موبايل أو تابلت أو لابتوب.